ஆகஸ்ட் 12 உலக இளைஞர் தினம்

அனைத்துலக இளைஞர் தினம் ஆண்டுதோறும் ஆகஸ்ட் 12-ஆம் தேதி கொண்டாடப்படுகிறது.

முதன்முதலில் 1999 ஆம் ஆண்டு ஆகஸ்ட் 12 சர்வதேச இளைஞர் தினமாக கொண்டாடப்படும் என்று அறிவிக்கப்பட்டது.

சமூகத்தின் பல்வேறு கலாச்சார, சட்ட மற்றும் பிற வளர்ச்சி அம்சங்களில் இளைஞர்களை ஈடுபடுத்துவதை நோக்கமாகக் கொண்டுள்ளது.

பொதுவாக மூன்றாம் உலக நாடுகளில் வாழும் இளைஞர்கள் வேலை வாய்ப்பின்மை கல்வியின்மை உடல்நலக் குறைவு என்று போராட்டமான வாழ்க்கையை மேற்கொண்டு இருக்கும் நிலையில் அவர்களது மேம்பாட்டுக்காகவே இந்த தினம் அனுசரிக்கப்பட்டு உலகெங்கும் ஆக்கபூர்வமான பணிகள் நிறைவேற்றப்படுகின்றன.

அதைப் பற்றி அவசியம் ஒவ்வொரு இளைஞனும் அறிந்திருக்க வேண்டும்.

ஒவ்வொரு ஆண்டும் ஒரு கருத்து படிவத்தின் கீழ் இளைஞர்களின் மீது கவனம் செலுத்த வேண்டிய முக்கியத்துவம் உணர்த்தப்படுகிறது.

இளைஞர்களின் தேவைகள் உணரப்பட வேண்டும்

அவர்களின் திறமைகள் கண்டறியப்பட வேண்டும்

அவர்களின் நிலை உயர்த்தப்பட வேண்டும்

உலகத்திற்கு அவர்களுடைய பங்களிப்பு என்பது கட்டாயம் கிடைக்க வேண்டும்

என்ற உயரிய குறிக்கோளுடன் இந்த தினத்தை பரிந்துரைக்கிறார்கள்.

மக்களிடையே விழிப்புணர்வை பரப்புவதற்காக பல்வேறு அரசியல், கலாச்சார மற்றும் பொருளாதார கருத்தரங்கங்கள் உலகம் முழுவதும் ஏற்பாடு செய்யப்படுகின்றன.

இருப்பினும், உலகம் முழுவதும் நிலவும் தொற்றுநோய் சூழ்நிலையால், சர்வதேச இளைஞர் தினம் 2021 பெரும்பாலான இடங்களில் இந்த ஆண்டு இந்த தினம், வழக்கம் போல நிகழ்ச்சிகளால் நிறைக்கப் படவில்லை என்றாலும் இந்த நாளைக் கொண்டாட பல வெபினார்கள் நடத்தப்பட்டு வருகின்றன.

2021 சர்வதேச இளைஞர் தினத்திற்கான தீம் என்ன?

2021 ஆம் ஆண்டு சர்வதேச இளைஞர் தினம் கொண்டாடப்படுவதற்கும் ஒரு தீம் உள்ளது.

Transforming Food Systems: Youth Innovation for Human and Planetary Health ''.

இந்த வருடத்திற்கான கருப்பொருள் "உணவு அமைப்புகளை மாற்றுவது: மனித மற்றும் உலக ஆரோக்கியத்திற்கான இளைஞர் தம் கண்டுபிடிப்பு"

இந்த தீம் COVID-19 தொற்றுநோய், மனித ஆரோக்கியம், சுற்றுச்சூழல் மற்றும் உணவு அமைப்புகளில் ஏற்படுத்தும் தாக்கத்தை கருத்தில் கொண்டு முடிவு செய்யப்பட்டுள்ளது.

இந்த பிரச்சினைகள் ECOSOC இளைஞர் மன்றம் (EYF) 2021 இல் முன்னிலைப்படுத்தப்பட்ட பின்னர் ஐக்கிய நாடுகள் சபையால் தேர்ந்தெடுக்கப்பட்டது.

யுனெஸ்கோவின் கூற்றுப்படி, "இளைஞர்கள் பயனாளிகள் மட்டுமல்ல, இன்று இளைஞர்கள் உலகில் எதிர்கொள்ளும் பிரச்சினைகளுக்குத் தீர்வு காண்பதில் அவர்கள் இன்றியமையாத தலைவர்கள் மற்றும் பங்காளிகள் என்பதை இளைஞர் திட்டம் அதன் வேலையில் வலியுறுத்துகிறது."

Devanshe Pandey:

இளைஞர் தின வாழ்த்துக்கள்!

வாழ வழி இல்லையே நான் பிறந்த நாடு எனக்கு வாழ வழிவிடாவிட்டால், அந்த நாடு இருந்தால் என்ன சுனாமியால் அழிந்தால் என்ன? கடவுளுக்கும் இதே கேள்வி தான்.

இந்த அளவிற்கு ஒருவர் மனம் வெதும்பி ஒரு கேள்வியை எழுப்புகிறார் என்றால் அவர் எந்த அளவிற்கு வாழ்க்கையில் பாதிக்கப்பட்டிருக்கிறார் என்று அறிந்து கொள்ள முடிகிறது.

நாடென்ன செய்தது உனக்கு எனக் கேள்விகள் கேட்பது எதற்கு? நீ என்ன செய்தாய் அதற்கு எனக் கேட்டால் நன்மை உனக்கு.

நாட்டுக்கு ஏதாவது செய்ய வேண்டும் என்று நீங்கள் நினைத்தால் நன்மை உங்களுக்கு என்று சொன்னவர் ஜான் எஃப் கென்னடி. 

அதையே தான் நமது நாட்டு அறிஞர்களும் வழிமொழிந்தார்கள்.

அப்படின்னா அதுல ஏதாவது உண்மை இருக்கும் தானே?

நம்பிக்கை நெஞ்சில் வை தித்திக்கும் உன் வாழ்க்கை இதுவும் சிந்தனையாளர்கள் சொன்னதுதான்.

சுனாமியால் அழிவது பற்றி எழுதியிருக்கிறீர்கள்.

சுனாமியின் அழிவுகளை நினைத்தாலே நெஞ்சம் கலங்கவில்லையா?

ஆழிப் பேரலைகள் அள்ளிக்கொண்டு போன படபடப்பான காட்சிகள் நினைவுக்கு வரவில்லையா?

அத்தனை மனிதர்களையும் ஒருசேர வாரிக் கொண்டு போனதை நினைத்தால் நெஞ்சம் பதறவில்லையா?

பெற்றோரை இழந்த குழந்தைகள் குழந்தைகளை இழந்த பெற்றோர்கள் கணவனை இழந்த மனைவி மனைவியை இழந்த கணவன்

தேடிக்கொண்டு திரிந்த பாவப்பட்ட மனிதர்கள்.

இன்னொரு துயரமா? நினைத்தாலே நடுக்கம் தருகிறதே.

வேண்டாம் அந்தத் துயரம் யாருக்கும் வேண்டாம்.

எல்லாம் சரி தாங்க, பிழைக்க பொருளீட்ட வழிய சொல்லுங்க .Mind voice கேக்குது.

>வாழ நினைத்தால் வாழலாம் வழியா இல்லை பூமியில்

>ஆழக்கடலும் சோலையாகும்

>ஆசையிருந்தால் நீந்தி வா

>வாழ நினைத்தால் வாழலாம் வழியா இல்லை பூமியில்

>பார்க்கத் தெரிந்தால் பாதை தெரியும் பார்த்து நடந்தால் பயணம் தொடரும்

>பயணம் தொடர்ந்தால் கதவு திறக்கும் கதவு திறந்தால் காட்சி கிடைக்கும்

>காட்சி கிடைத்தால் கவலை தீரும் கவலை தீர்ந்தால் வாழலாம்.....

Find your way , find the right way. NOW!

விரல் பிடித்து நடக்க வைக்க நீங்கள் இன்னும் சிறு குழந்தை இல்லையே. பெற்றோரை எதிர்பார்க்காதீர்கள். சாதியில் எவனாவது கைதூக்கி விடுவான் வேலை வாங்கித் தருவான், தூக்கிக்கொண்டு போய் உயர் பதவியில் உட்கார வைப்பான் என்று எதிர்பார்க்காதீர்கள்.

மேற்கத்திய நாடுகளில் சொந்தமாக சம்பாதிக்கிறார்கள் படிப்புச் செலவை கூட அவர்களே பார்த்துக் கொள்கிறார்கள். கற்றுக்கொள்ளுங்கள்.

இந்தியாவில் இல்லையா எடுத்துக்காட்டுகள்?

வீடு வீடாய் பேப்பர் போட்டவர் தான் தலைவர் அப்துல் கலாம்.

டீ வியாபாரம் செய்ததாக கேலி செய்கிறோமே, அவர் எட்டிய உயரம் என்ன என்று யோசித்துப் பாருங்கள்.

எவ்வளவு படித்திருந்தாலும் எந்த வேலையையும் எடுத்து செய்யும் மன உறுதி வேண்டும்.

பாடகர் எஸ்பிபி மறைந்தபோது அவரது கல்லறை குழியில் இறங்கி நின்று இறுதிவரை வேலை செய்தானே ஒரு இளைஞன்.,அவனை உலகம் கவனிக்காமல் போகலாம். அவனுடைய அனுபவம் அவனுடைய நெஞ்சுரம் அவனுக்குக் கடைசிவரை கை கொடுக்கும். ஆம் இடுகாட்டிலும் உங்கள் முத்திரையைப் பதிக்கலாம்.

இதெல்லாம் எழுத நன்றாக இருக்கும் உண்மையில் வாழ்க்கை கடினமாக இருக்கிறது என்கிறீர்களா?

ஒரு சமூக வலைத்தளத்தில் இப்படித்தான் ஒருவர் புலம்பி இருந்தார்.

GST கட்டி வாழ்க்கையே முடிந்து விடும் போலிருக்கிறது . எங்கு சென்றாலும் வரி எல்லாவற்றிற்கும் வரி. எல்லாமே செலுத்துகிறேன். என் வாழ்க்கைத் தரம் தான் தாழ்ந்து கொண்டே போகிறது பொருளாதாரம் பலவீனம் ஆகிக் கொண்டே போகிறது.

நாட்டுக்கு நான் என் கடமையை செய்கின்றேன். நாடு தான் எனக்கு ஒரு வழி காட்டவில்லை என்றார்.

என்ன? நாடு வழி காட்ட வேண்டுமா?

நாட்டுக்கு வழியை நீங்கள் காட்டுங்கள் ;மக்களை நீங்கள் வழி நடத்துங்கள். கொஞ்சம் பொறுப்பை உணர்ந்து குடும்பம் மற்றும் சமுதாய அக்கறையை வளர்த்துக் கொள்ளுங்கள். உங்களுடைய முன்னேற்றத்தை, நாட்டின் ஒட்டுமொத்த வளர்ச்சியை எப்போதும் சிந்தனையில் வைத்திருங்கள்.

தேவை 1.தன்னம்பிக்கை 2.பொறுப்பு.

கடவுளை விடுங்கள். இறை நம்பிக்கை இல்லாதவர்களுக்கு தன்னம்பிக்கை இருந்தால் போதுமானது. தன்னம்பிக்கையுடன் நீங்கள் நேர் வழியில் சென்றால் இறைவன் உங்களை சரியான பாதையில் அழைத்துச் செல்கிறார் என்று இறை நம்பிக்கை உள்ளவர்கள் கூறுவார்கள். நம்பிக்கை இல்லாதவர்கள் கூட நீங்கள் நிற்கும் உயரத்தைப் பொறுத்து உங்களை அந்த இறைவனாகவே பார்ப்பார்கள்.

நீங்களும் முன்னேறி உங்களை சார்ந்தவர்களையும் முன்னேற்றப் பாதையில் அழைத்துச் செல்லுங்கள்.