நல்லது தான் இப்போதாவது துவங்கப்பட்டது என்ற வரைக்கும் மகிழ்ச்சி.
லாக் டவுன் போட்டு விட்டு தடுப்பூசி போட்டுக் கொள்ளுங்கள் என்றால் முதியவர்களை அழைத்துச் செல்வது என்பது எல்லோருக்கும் சிரமம் தானே? ஆட்டோக்கள் ஓடாது டாக்சி ஓடாது பஸ் ஓடாது என்ற அளவில் இந்த லாக் டவுன் அறிவிக்கப்பட்டிருந்தது.
எப்படி பெரியவர்களை அழைத்துச் சென்று ஊசி போட்டு அழைத்து வருவது என்பது எல்லோருக்குமே ஒரு கேள்விக்குறியானது.
வீட்டிலேயே இருங்கள் என்று முதல்வர் முதல் அத்தனை பேரும் தொலைக்காட்சியில் கூறிக் கொண்டிருந்தார்கள்.
வீட்டிலேயே எல்லோரும் முடங்கி இருக்கும்போது தமிழ்நாட்டில் யாரும் தடுப்பூசி போட்டுக் கொள்ள முன்வரவில்லை என்று அநியாயமாக ஒரு குற்றச்சாட்டு வைக்கப்பட்டது.
இன்று கறிகாய் முதல் கம்ப்யூட்டர் வரை எல்லாமே door delivery என்று ஆகிவிட்ட பின்பு தேவையில்லாமல் ஏன் வெளியே செல்ல வேண்டும்?
போக்குவரத்து நெருக்கடி குறையும். Pollution குறையும். நோய்த்தொற்று பரவுதல் குறையும்.
குறைந்தது முதியவர்களையாவது வீட்டிலேயே வைத்து அவர்களுக்கு தேவையான தடுப்பூசியை கொடுப்பதில் நன்மை தானே தவிர எந்த தவறும் இல்லை.
இரத்தப்பரிசோதனை முதல் அனைத்தும் நம் வீட்டிற்கே வந்து செய்திடும் வசதி இருக்கும்போது பெரியவர்களை தேவையில்லாமல் ஒரு ஊசி போடுவதற்காக 30 கிலோமீட்டர் பயணிக்க வைப்பதெல்லாம் சிரமம் என்பது எல்லோரும் அறிந்தது தானே.
இந்தத் திட்டம் வரவேற்கப்பட வேண்டிய ஒன்று.
மாற்றுத்திறனாளிகளுக்கும் வீட்டிற்கே சென்று தடுப்பூசி கொடுப்பதும் சிறந்ததாக இருக்கும்.
இப்போது தடுப்பூசி மையங்களில் மாற்றுத் திறனாளிகளுக்கு முன்னுரிமை மட்டுமே கொடுக்கப்பட்டு வருகிறது.
அவர்களையும் தேடிச்சென்று தடுப்பூசி செலுத்துவது இன்னும் சிறந்ததாக இருக்கும்.
நடக்க முடியாத வயோதிகர்கள் வாக்கர் வைத்து நடப்பவர்கள் எல்லோருமே வீட்டில் இருந்தபடியே போட்டுக் கொள்ள முடிந்தால் சிறப்புதான்.
கருத்துகள் இல்லை:
கருத்துரையிடுக